::
Мамачка мая, баліць галава / песня, тэкст,аўдыё — аг. Цяхцін, Бялыніцкі раён
Загаловак/назва
Мамачка мая, баліць галава
Від
песня
Змест
тэкст аўдыё
Статус
апрацавана
Аўдыё (SoundCloud)
Працягласць
4:02
Жанры, тэмы, тэгі
Поўны тэкст

Мамачка мая, баліць галава,
Эй, эй, баліць галава.
Дачушка мая, завяжы платок,
Эй, эй, завяжы платок.
Мамачка мая, платок караток,
Эй, эй, платок караток.
Дачушка мая, завяжы другі,
Эй, эй, завяжы другі.
Мамачка мая, другі дарагі,
Эй, эй, другі дарагі.
Мамачка мая, баліць жываток,
Эй, эй, баліць жываток.
Дачушка мая, на печ ускачы,
Эй, эй, на печ ускачы.
На печ ускачы, жывот прыпячы,
Эй, эй, жывот прыпячы.
Мамачка мая, на печы дзіця,
Эй, эй, на печы дзіця.
Дачушка мая, а й дзе ж ты ўзіла?
Эй, эй, а й дзе ж ты ўзіла?
Мамачка мая, у ягодкі пашла,
Эй, эй, у ягодкі пашла.
У ягодкі пашла, дзіцятка нашла,
Эй, эй, дзіцятка нашла.
Дачушка мая, нашто ты брала?
Эй, эй, нашто ты брала?
Мамачка мая, яно крычала,
Эй, эй, яно крычала.
Яно крычала, мне жалка стала,
Эй, эй, мне жалка стала.
[Мне жалка стала, я яго ўзіла,
Эй, эй, я яго ўзіла].
Мамачка мая, а йдзі па бабу,
Эй, эй, а йдзі па бабу.
Дачушка мая, чым бабе плаціць,
Эй, эй, чым бабе плаціць?
Мамачка мая, намётку 'ддадзім,
Эй, эй, намётку 'ддадзім.
Мамачка мая, а йдзі па папа,
Эй, эй, а йдзі па папа.
А йдзі па папа, дзіця пераксціць,
Эй, эй, дзіця пераксціць.
Дачушка мая, чым папу плаціць?
Эй, эй, чым папу плаціць?
Мамачка мая, кароўку 'ддадзім,
Эй, эй, кароўку ‘ддадзім.
Дачушка мая, чым дзіця карміць?
Эй, эй, чым дзіця карміць?
Мамачка мая, я сама дойна,
Эй, эй, я сама дойна.


Ад каго запісана
Звязаныя калектывы (гурты-выканаўцы, арганізатары запісу, праваўладальнікі, месца захавання і г.д.)
Хто запісаў
Год ці дэкада запісу (калі невядома, то першай публікацыі)
Аўдыёрэлізы, дзе публікавалася
Карта
Месца паходжання
Гэта кэшаваныя старонка. Апошняя сінхранізацыя з базай - 18.01.2021 17:00:52

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.