Відэатэка → Відэа:

2016 - Катрушнікі, рэпартаж [дак. фільм]

84-гадовы Уладзімір Зіўлікаў і ягоны сын Валянцін з Дрыбіншчыны робяць валёнкі. Некалькі стагоддзяў таму іхныя продкі, каб захаваць сакрэты мастацтва выраблення валёнак, прыдумалі адмысловую гаворку – катрушніцкі лемезень, ці гэтак званую прафесійную гаворку рамеснікаў, якія вырабляюць валёнкі.

Гэтае рамесніцтва і мова старанна культывавалася і перадаваліся з пакалення ў пакаленне, але ў XXI ст. неабходнасць далейшага захоўвання гэтых ведаў ужо знікла, таму апошнія карыстальнікі патаемнай гаворкі гатовыя падзяліцца сакрэтамі сваіх продкаў.

Нашыя героі жывуць у вёсцы Пакуцце, былым і цяперашнім рамесным цэнтры катрушніцтва. У вёсцы ёсць некалькі дзясяткаў людзей, якія, нягледзячы на навакольны заняпад і шматлікія закінутыя хаціны, не страчваюць запалу да жыцця. Зіма традыцыйна запавольвае рух жыцця мясцовых жыхароў – гэта значыць, настае час для старых рамёстваў, сярод якіх важнае месца займае вырабленне валёнак.

Фільм знаёміць гледачоў не толькі з сакрэтамі гэтага рамяства і амаль страчанаю ўнікальнаю гаворкай, але і паказвае зімовае жыццё беларускай вёскі.

• Без рэтушы (цыкл фільмаў), цыкл відэа

• Семашкевіч Андрэй
• Кавалёў Лявон
• Напорка Аляксандр

• Зюлікаў Валянцін Уладзіміравіч / в. Пакуцце, Дрыбінскі раён
• Зюлікаў Уладзімір Маісеевіч / 1931, в. Пакуцце, Дрыбінскі раён

• Belsat / Белсат — тэлеканал

• 2016

• в. Пакуцце [Пакуццё], Дрыбінскі раён (Михеевский c/c), Магілёўская вобласць, Беларусь
• Дрыбінскі раён, Магілёўская вобласць, Беларусь
• Магілёўская вобласць, Беларусь
• Беларусь

• шапавальства / лямец / войлак
• рамёствы
• катрушніцкі лемязень