::
2017 - «Беларускія песні: традыцыя адлегласці» [дак. фільм]
Загаловак
«Беларускія песні: традыцыя адлегласці»
Жанр
дак. фільм
Працягласць
39:48
Прэвію/афіша
Аўтаматычнае прэвію
Дзе паглядзець (спасылкі)
дасяжна толькі ў поўнай версіі
дасяжна толькі ў поўнай версіі
Пра відэа

Стужка пра творчасць трох маладых беларускіх гуртоў – «Vuraj», «Re1ikt» і «Shuma» – ды архаічныя песні ў выкананні бабуль з палескіх вёсак.

Абрадавыя песні перадаваліся з пакалення ў пакаленне, але сёння гэтая традыцыя сыходзіць. Губляюцца зыходныя тэксты ды інтанацыі, а галоўнае – страчваецца абрадавы сэнс. З іншага боку, песні працягваюць жыць у новым фармаце, але не ўсе этнографы ды музыкі прымаюць такі стан рэчаў. Фільм прымірае два светы – стары ды новы. Гэта мастацкі пошук вобразаў беларускае песні. Якія яны, абрадавыя песні ды іх сучасныя аналагі?

Рэж. Арцём Лобач, 2017 г., Беларусь

---

Спачатку яны едуць у экспедыцыю ў палескую глуш, а пасля ты танчыш пад гэтую музыку ў модным менскім клубе. Фільм «Беларускія песні: Традыцыя адлегласці» распавядае, як дзякуючы маладым ды апантаным, традыцыйны спеў не памірае разам са старымі палешукамі.

Дакументальна-музычны фільм рэжысёра Арцёма Лобача пабудаваны на творчасці трох маладых беларускіх гуртоў («Vuraj», «Re1ikt» ды «Shuma»), на экспедыцыях па Палессі, размовах з музыкамі ды жыхарамі тамтэйшых вёсак.

Раней абрадавыя песні перадаваліся з пакалення ў пакаленне. Сёння гэтая традыцыя сыходзіць. Губляюцца зыходныя тэксты ды інтанацыі, страчваецца абрадавы сэнс. Але дзякуючы маладому пакаленню музыкаў, песні працягваюць жыць у новым фармаце.

«У мяне ёсць кроў іранская, азербайджанская, расейская, украінская, габрэйская, а беларускай крыві няма. Але я тут нарадзілася, у гэтым асяроддзі. Я дзяцёнак беларукай культуры, нягледзячы на кроў, – гаворыць адна з гераіняў фільму спявачка Руся. – Я дакранулася да гэтай прыгажосці, і мне вельмі хочацца, каб гэта зразумелі іншыя, адчулі, якая гэта вялікая і моцная культура».

Праўда, не ўсе этнографы ды музыкі цешацца, што сучасныя творцы змяняюць традыцыйны спеў пад сябе. Фільм зняты на мяжы відэаарту, дакументалістыкі і кліпмэйкерства. У ім мы чуем абрадавыя песні ды іх сучасныя аналагі.

Аўтар карціны Арцём Лобач – беларускі кінарэжысёр, кліпмэйкер, дакументаліст. Сярод ягоных працаў – дакументальныя фільмы «Простыя рэчы», «Шлях у Дамаск. Частка першая», мастацкія кароткаметражныя фільмы «Дом», «Змрок», «Бліжэй, чым ты думаеш», музычныя кліпы для «The Toobes», «J: Mors», «Akute», «Vuraj» ды інш.

Аўтар дзякуе Сяргею Доўгушаву і Віталю Чымбару за арганізацыю экспедыцыяў па Палессі. Аксане Багданавай – за магчымасць здымаць у Музеі Азгура. Студыі «DVAcine» – за відэматэрыял з канцэрту «Shuma». Віталю Ухванаву – за відэа з квадракоптару.

Аўтары
Звязаныя асобы
Звязаныя калектывы
Год публікацыі
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 12.04.2019 18:37:38

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.