Відэатэка → Відэа:

1975 - Родник — Вячаслав Протасевіч [перадача]

ПРАТАСЕВІЧ Вячаслаў Сцяпанавіч, нарадзіўся 30.4.1913 г. (02.11. 1992 г.) у в. Роспы Капыльскага раёна, беларускі народны майстар традыцыйных музычных інструментаў, выканаўца на дудцы, скрыпцы, жалейках з саломкі, кмену, чароту і інш.

Удзельнік партызанскага руху на Беларусі ў гады Вялікай Айчыннай вайны. Пасля вайны больш за 30 гадоў жыў і працаваў ва Уздзе.

3 1977 г. у Мінску — у Дзяржаўным акадэмічным народным хоры Беларусі імя Г.І.Цітовіча, у фальклорна-этнаграфічным ансамблі «Харошкі» — майстар па рамонце і настройцы унікальных народных музычных інструментаў.

Вырабляў дудкі, жалейкі, альты, скрыпкі, цымбалы, ліры і іншае, якія вылучаюцца прыемным тэмбрам, добра трымаюць строй.

Інструменты Пратасевіча выкарыстоўваюць у канцэртнай практыцы вядомыя творчыя калектывы Беларусі.

Многія інструменты зберагаюцца ў Дзяржаўным музеі БССР, Уздзенскім краязнаўчым музеі, Літаратурным музеі Янкі Купалы ў Мінску.

Для Пратасевіча-выканаўцы былі характэрны разнастайнасць прыёмаў варыянтна-варыяцыйнага і фактурнага развіцця, пачуццё музычнай формы.

Лаўрэат 1-га Усесаюзнага фестывалю самадзейнай мастацкай творчасці працоўных (залаты медаль; 1975-1977), неаднаразова ўдзельнічаў у перадачах Беларускага тэлебачання і радыё, музычна-этнаграфічных канцэртах.

• Родник, цыкл тэлеперадач

• Пратасевіч Вячаслаў Сцяпанавіч / 1913, в. Роспы, Капыльскі раён

• Белтэлерадыёкампанія

• 1975

• г. Узда [Вузда], Уздзенскі раён, Мінская вобласць, Беларусь
• Уздзенскі раён, Мінская вобласць, Беларусь
• Мінская вобласць, Беларусь
• Беларусь

• біяграфіі
• выраб музычных інструментаў
• дудка
• музыкі
• інструменты духавыя (аэрафоны)