Відэатэка → Відэа:

2014 - Юраўскі абыход вёскі Ахонава Дзятлаўскага р-ну (ад крыжа да крыжа) [экспедыцыйнае відэа]

2014.05.05. Абыход вёскі ад крыжа да крыжа (з канца ў канец в. Некалі хадзіла дзьве групы жанчын, з розных канцоў вёскі насустрач. Даўней яшчэ адзін крыж быў "на срадзінцы" вёскі. Там сустракаліся. Тады ішлі пераведваць двары, хто паяс выкідваў у гэты дзень. Першая песьня абраду "А мы Юр'я пачынаем (варыянт *сустрачаем)..." канец песьні, пачатак якой добра вядомы у выкананні Надзеі Бурак... Праважаюць Юр'я на наступны дзень таксама ўвечары.

Да мы Юр'я сустрачаем, да мы Юр'я сустрачаем

Да мы бога звелічаем, да мы бога звелічаем

Падай, Божа, да замкоў ключы, падай, Божа, да замкоў ключы

Адамкнуці сырую зямліцу, адамкнуці сырую зямліцу,

Да выпусціць божую расіцу, да выпусціць божую расіцу

Да на жыта, на пшаніцу, да на жыта, на пшаніцу

да на ўсякую пашніцу, да на ўсякую пашніцу

Каб на корань караністае,к аб на корань караністае

А на сцябло да сцяблістае, а на сцябло дай сцяблістае

А на колас каласістае, а на колас каласістае.

З каласочка да жыта бочка, с каласочка да жыта бочка.

Каб на таку ўмалотнае, каб на таку ўмалотнае,

А ў млыне да прымолнае, а ў млыне да прымолнае,

А ў дзяжы падыходнае, а ў дзяжы падыходнае,

А ў печы да прыпёкнае, а ў печы да прыпёкнае,

А на стале сытна-спорнае, а на стале сытна-спорнае.

• Клепікава Святлана

• Бурак Надзея Іванаўна / 1926, в. Ахонава, Дзятлаўскі раён

• Народны фальклорны гурт вёскі Ахонава (в. Ахонава, Дзятлаўскі раён)
• РМГА Студэнцкае Этнаграфічнае Таварыства (СЭТ)

• 2014

• в. Ахонава, Дзятлаўскі раён (Даниловичский c/c), Гродзенская вобласць, Беларусь
• Беларусь
• Гродзенская вобласць, Беларусь
• Дзятлаўскі раён, Гродзенская вобласць, Беларусь

• Юр'я
• абрады і святы веснавыя
• песні юраўскія