::
2018.09.24 — Інтэрнацыянальны Багач у Дукоры / Газета "Новы Час" (novychas.by)
Загаловак
Інтэрнацыянальны Багач у Дукоры
Спасылка
Дата публікацыі
24.09.2018
Катэгорыя
рэпартажы
Поўны тэкст

У маёнтку Дукора (Пухавіцкі раён) адсвяткавалі Багач — свята беларускага традыцыйнага календара, што прыпадае на восеньскае раўнадзенства. Яго сімволіка шматгранная: гэта час збору ўраджаю, запальвання агню ў хаце.
Фестываль распачаў гурт Студэнцкага этнаграфічнага таварыства абыходам тэрыторыі і беларускімі спевамі. Потым на сцэне выступілі калектывы, што прадстаўляюць культуру Украіны, Ізраіля, Карэі, Іспаніі, Арменіі, Азербайджана.
Багач менавіта з такой назвай вядомы не па ўсёй Беларусі, мае рэгіянальны характар. Нагадвае шматлікія абрады пераносу свячы, характэрныя для ўсёй краіны, але найбольш для ўсходняй часткі: на пэўнае свята пераносіцца штогод у новую хату абрадавы комплекс са свечкі ў жыце і абраза. Паходжанне такіх абрадаў даследчыкі выводзяць са старажытнага культу хатняга агменю, а звычай калектыўнага сукання свечак, што пераносяцца — з рытуалаў сярэднявечных братчын пчалаводаў.



Святкаванне Багача ў Дукоры дзяўчаты са Студэнцкага этнаграфічнага таварыства распачалі абыходам рамесных падворкаў. Наведвальнікі маёнтка на ўваходзе разам з білетам атрымлівалі мяшэчкі з зернем, якое падчас шэсця гурта ссыпалі ў агульную місу са свечкай. Каля сцэны вядучы фестывалю, выконваючы ролю гаспадара, запаліў яе. Спеўшы некалькі восеньскіх, жніўных і вясельных песень, дзяўчаты распачалі майстар-клас па беларускіх танцах.



Акрамя са Студэнцкага этнаграфічнага таварыства Беларусь на свяце ў Дукоры прадстаўляў народны фальклорны ансамбль «Вербіца». Фестываль працягнуўся выступамі і майстар-класамі ансамблю карэйскага танцу «Арыранг», калектыву «Фламенка», ансамблю «Легенды Каўказа», фальклорнага тэатру украінскай песні і абраду «Ватра», ансамблю армянскага фальклорнага танцу «Эрэбуні», калектыву «Лейсэн», дуэта «Jazz doit» і ансамблю інтэрнацыянальнага сяброўства «Згода». Ізраільскія песні выканала Галіна Левянт. Фестываль завяршыў танцавальны флэшмоб.

Фота і відэа Алены Ляшкевіч

СМІ
Аўтар(ы)
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 10.08.2019 22:36:15

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.