::
2018.09.28 — Як падрыхтавацца да традыцыйнага вяселля / Газета "Новы Час" (novychas.by)
Загаловак
Як падрыхтавацца да традыцыйнага вяселля
Спасылка
Дата публікацыі
28.09.2018
Катэгорыя
рэпартажы
Поўны тэкст

На выставе «Беларускае вяселле: абрад, носьбіт, песня» 27 верасня прайшоў майстар-клас па вырабе вясельных вянкоў і канцэрт гурта Студэнцкага этнаграфічнага таварыства.
На імпрэзу завіталі пераважна дзяўчаты. Мабыць, вясельная тэматыка мала вабіць хлопцаў. Удзельніцы майстар-класа вучыліся рабіць кветкі на вясельны вянок з паперы, бубачкі з воску, аздобы з дроту. Вядоўца занятка Настасся Глушко распавяла пра традыцыі дзявочага вечара ў Беларусі, калі дзяўчаты збіраліся, каб вырабіць вянок сваё сяброўцы-нявесце. Прысутныя пабачылі прэзентацыю фота вянкоў з усёй Беларусі і суседніх краін рознага часу, даведаліся пра іх асаблівасці.

У канцы занятка, калі кожная ўдзельніца вырабіла па некалькі кветак і аздоб-бубачак, дзяўчаты склалі агульны вянок і памералі яго на Дзіяну Філіпчык разам з фатой у стылі пасляваеннага часу.



Пасля майстар-класа дзяўчаты са Студэнцкага этнаграфічнага таварыства выканалі песні, прымеркаваныя да розных момантаў традыцыйнага вяселля. Творы, запісаныя ў розных частках Беларусі, гучалі як адзіная сімфонія.
Адна з песень, што прагучала на кацэрце, – “У моры вуціца вымывалыся” з вёскі Канчаны Верхнядзвінскага раёна. Фота выканаўцаў, ад якіх яна запісаная, можна пабачыць на выставе.


Выстава «Беларускае вяселле: абрад, носьбіт, песня» праходзіць у межах Месяца фатаграфіі ў Мінску. Яна адкрылася 12 верасня і працуе да 13 кастрычніка штодзень апроч нядзелі і панядзелка. Журналістам, настаўнікам і супрацоўнікам музеяў, людзям з інваліднасцю і дзецям да 10 гадоў — уваход вольны. 



Фотаздымкі выканаўцаў на выставе суправаджаюцца тэкстамі, запісанымі ад іх, і QR-кодамі, што дазваляюць паслухаць аўдыёзапісы, з якіх “знятыя” тэксты, а таксама вясельныя найгрышы. Можна паглядзець слайд-шоў з аўдыёсуправаджэннем з дапамогай абсталявання Цэнтра сучаснага мастацтва. На выставе таксама дэманструецца фільм “Радзілавіцкае вяселле”, зняты сябрамі Студэнцкага этнаграфічнага таварыства ў 2017-м на сапраўдным вяселлі ў Лельчыцкім раёне.

Фота і відэа Алены Ляшкевіч

СМІ
Аўтар(ы)
Звязаныя персаналіі
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 28.04.2021 07:52:17

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.