::
2018.06.08 — Маляўнічае шэсце Лайконіка ў Кракаве (шмат прыгожых фота) / Газета "Новы Час" (novychas.by)
Загаловак
Маляўнічае шэсце Лайконіка ў Кракаве (шмат прыгожых фота)
Спасылка
Дата публікацыі
08.06.2018
Катэгорыя
навіны
Поўны тэкст

У Кракаве 7 чэрвеня, у чацвер пасля каталіцкага свята Божага Цела, прайшло шэсце Лайконіка. Гэта легендарны персанаж, сімвал Кракава.

Быццам бы калісьці ў Сярэднявеччы татары спрабавалі напасці на Кракаў, а плытагоны, што жылі ў прадмесці Звярынец, іх пабілі і абяззброілі, пабралі строі і, пераапранутыя, з'явіліся ў Кракаве на працэсіі ў гонар святкавання Божага Цела. Уласна Лайконік пераапрануўся ў татарскага хана і ўзяў яго каня. Быццам бы з таго часу штогод і адбываецца працэсія Лайконіка, якога суправаджае аршак з татараў і плытагонаў. Працэсія цэлы дзень ходзіць па кракаўскіх вуліцах. Удар булавой Лайконіка, лічыцца, спрыяе дабрабыту на ўвесь наступны год. Таму мінакі і ўладальнікі прыдарожных крам з радасцю плацяць Лайконіку.


Збігнеў Глёмэк грае Лайконіка ўжо 31 год, а да таго 17 год хадзіў у працэсіі плытагонам. Яго ўбранне важыць 30 кг! Шэсце Лайконіка ўнесена ў польскі нацыянальны Інвентар нематэрыяльнай культурнай спадчыны. Ім апякуецца гарадская Рада і кракаўскі гістарычны музей. Дзеці пераймаюць традыцыю, пераапранаючыся таксама ў касцюмы. Нават ладзіцца конкурс на лепшы дзіцячы аршак Лайконіка ў садках і малодшых школах.

СМІ
Аўтар(ы)
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 19.12.2018 17:59:48

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.