::
2018.05.11 — Любанска-падляшскі дэсант у Мінску (фота, відэа) / Газета "Новы Час" (novychas.by)
Загаловак
Любанска-падляшскі дэсант у Мінску (фота, відэа)
Спасылка
Дата публікацыі
11.05.2018
Катэгорыя
рэпартажы
Поўны тэкст

Узорны фальклорны ансамбль «Верабейкі» з Любані адзначыў сваё 25-годдзе канцэртам у мінскім Палацы ветэранаў. Іх падтрымалі сябры — гурты «Калыханка» з Міханавічаў, «Рада» і «Гаманіна» з Мінска і «Жэмерва» з Падляшша.
«Верабейкі» — гурт, што аднаўляе варыянты танцаў, запісаныя ад старэйшых жыхароў Любанскага раёна Сяргеем Выскваркам, мастацкім кіраўніком ансамблю. Некаторых з носьбітаў традыцыйнай культуры, якія дзяліліся ведамі, ужо няма на гэтым свеце, а танцы жывуць. Сяргей Выскварка — вядомы этнахарэограф, што дае майстар-класы і канцэрты з «Верабейкамі» і аўтэнтычнымі гуртамі Любанскага раёна па ўсёй Беларусі, а таксама ў Літве, Польшчы, Расіі.


10 траўня ў Палацы ветэранаў «Верабейкі« паказвалі танцы з вёсак Пласток і Дарасіно Любанскага раёна. Удзельнікі гурта былі апранутыя ў рэканструяваныя традыцыйныя строі, зробленныя на ўзор адзення з гэтых авёсак. Дарэчы, Пласток — малая радзіма Сяргея Выскваркі.

Акампанавалі танцорам гарманіст Васіль Васільевіч Семашкевіч і барабаншчык Мікалай Міхайлавіч Юніцкі.

Ужо другім разам «Верабейкі» выступаюць у Мінску з міханавіцкай «Калыханкай». Ініцыятарка гэтых імпрэз — мастацкая кіраўніца «Калыханкі» Ларыса Рыжкова, якую звязвае з Сяргеем Выскваркам даўняе сяброўства. У рэпертуары «Калыханкі» — беларускія традыцыйныя песні, казкі, паданні, духоўныя вершы ўсіх рэгіёнаў Беларусі.

Гурт «Рада» ўжо неяк выступаў на дні народзінаў «Верабеек» на імпрэзе ў Любані, і вось зноў далучыўся да віншаванняў. «Рада» — гурт мужчынскіх спеваў, праўда, Васілю Мардачову, Алегу Лук’янцаву і Аляксандру Жуку дапамагае Святлана Буцкая. Значную частку рэпертуару гурта складаюць уласныя экспедыцыйныя запісы ўдзельнікаў.

Гурта «Жэмерва» — беларусы з ваколіцаў Бельска-Падляшскага ў Польшчы, але ў Беларусі выступаюць досыць часта. Па-беларуску яны гавораць з заўважным акцэнтам, але ў сваёй нацыянальнай прыналежнасці зусім не вагаюцца. Выконваюць падляшскія і заходнепалескія песні.

«Верабеек» павіншаваў таксама фальклорны гурт БДУІР «Гаманіна».

Перад і пасля канцэрта праходзілі танцы ў фае, да якіх мог далучыцца кожны ахвочы.


Фота і відэа аўтаркі

СМІ
Аўтар(ы)
Звязаныя персаналіі
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 15.05.2021 11:33:34

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.