::
2018.04.05 — Беларускі каляндар ажыў у дзіцячых малюнках (фота) / Газета "Новы Час" (novychas.by)
Загаловак
Беларускі каляндар ажыў у дзіцячых малюнках (фота)
Спасылка
Дата публікацыі
05.04.2018
Катэгорыя
навіны
Поўны тэкст

У Музеі старажытнабеларускай культуры Акадэміі навук 5 красавіка адкрылася выстава дзіцячых малюнкаў «Кола святаў». Вучні мінскай школы № 147 увасобілі ў сваіх працах беларускія абрады.
Выстава стала вынікам пагаднення між Цэнтрам даследаванняў беларускай культуры, мовы і літаратуры Акадэміі навук і школай № 147. Ініцыятары хацелі, каб веды навукоўцаў былі карыснымі для практыкаў.
Настаўнікі данеслі атрыманыя звесткі да вучняў, якія выкарысталі атрыманыя ідэі для творчасці.

Шмат прац прысвечана бліжэйшаму каляндарнаму святу — Вялікадню. Выстаўляюцца таксама малюнкі, натхнёныя аповедамі пра Яблычны Спас, Каляды, Купалле, Масленку, гуканне вясны.

На адкрыцці выступілі шматлікія ганаровыя госці: дырэктар Цэнтра даследаванняў беларускай культуры, мовы і літаратуры, акадэмік Аляксандр Лакотка, прадстаўнікі Універсітэта культуры і ўпраўлення адукацыі Мінгарвыканкама. Студыя “Вясёлка Stars” прадэманстравала калекцыю дзіцячага адзення. У канцы дзеці самі распавядалі прысутным пра свае творы.


Выстава працуе па адрасе: Мінск, вул. Сурганава, 1/2. Уваход вольны.

СМІ
Аўтар(ы)
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 20.08.2019 12:26:14

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.