::
2018.02.18 — Масленіца ў Гомелі / Беларускае Радыё Рацыя (racyja.com)
Загаловак
Масленіца ў Гомелі
Спасылка
Дата публікацыі
18.02.2018
Катэгорыя
рэпартажы
Поўны тэкст

Танцамі, песнямі і карагодамі адзначылі масленіцу ў Гомельскім філіяле Веткаўскага музея. Гэтым разам ахвотныя маглі спрычыніцца да этапу вырабу хатняга масла ў маслабойцы. А потым паспрабаваць яго з блінамі. Загадчык філіяла Веткаўскага музея Пятро Цалка гаворыць, што вечарына – гэта спроба зрабіць традыцыйную культуру сучаснай. – У нас была і лекцыя, якую можна назваць нават акадэмічнай – яе чытала супрацоўніца Акадэміі навук, і было ўзбіццё масла, якое не з’яўляецца масленай традыцыяй, але актуальнае для гарадскога насельніцтва, бо яны, можа, і не бачылі, як тое масла і з чаго робіцца. Таму ў маслабойцы з вясковай смятаны робім масла. Гэта і традыцыйныя танцы, спевы, і карагод “Перапёлачка”, які вельмі вобразны і характэрны для Гомельшчыны. Odtwarzacz muzyki 00:00 00:00 Używaj strzałek do góry/do dołu aby zwiększyć lub zmniejszyć głośność. Масленіца – свята провадаў зімы. Пасля масленічнага тыдня пачынаўся Вялікі пост, які цягнуўся да Вялікадня. «Масленіца – цалкам беларуская традыцыя,” – лічыць супрацоўніца Акадэміі навук Алена Ляшкевіч. Паводле даследчыцы, гэтае свята мае самыя розныя лакальныя варыянты. Напрыклад, на Гомельшчыне на Масленіцу пачыналі гукаць вясну. – Мы не можам сказаць для ўсёй Беларусі, што такое Масленка, бо яна разнастайная ў сваіх лакальных праявах. Вось цэнтральная і заходняя Беларусь – гэта жаночыя містэрыі. Збіраліся замужнія жанчыны, якія спраўлялі гэтыя містэрыі без мужчын. Напрыклад, ёсць сведчанні мужчыны з Астравецкага раёна, што калі нейкі мужчына падглядаў, то яго маглі нават пакалечыць. На поўдні Беларусі на Масленку ўжо гукалі вясну. Гэта, бадай, галоўная асаблівасць. Па ўсёй усходняй Беларусі, у тым ліку на Гомельшчыне, фіксуецца спальванне пудзіла. На поўночна-ўсходняй Беларусі – гэта пахаванне пудзіла. Odtwarzacz muzyki 00:00 00:00 Używaj strzałek do góry/do dołu aby zwiększyć lub zmniejszyć głośność. Даследчыца Алена Ляшкевіч распавяла, што на Гомельшчыне на Масленіцу, акрамя традыцыйных бліноў, выпякалі печыва ў форме птушак. Таксама на Масеніцу было прынята ўпрыгожваць елку. Беларускае Радыё Рацыя, Гомель

Чытай больш на: https://www.racyja.com/kultura/maslenitsa-u-gomeli/

СМІ
Аўтар(ы)
Звязаныя персаналіі
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 30.04.2019 10:48:31

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.