Прэса → Матэрыял з прэсы:

2014.03.12 — Фолк-праект Osterweg выдаў дэбютны альбом / Будзьма Беларусамі (budzma.org)

• Будзьма беларусамі!
  http://budzma.by/news/folk-prayekt-osterweg-vydaw-debyutny-albom.html

Фолк-праект Osterweg выдаў дэбютны альбом

Лэйбл Crivia Records выдаў дэбютны альбом беларускага гурта Osterweg. Праект арыентаваны на эмбіэнтнае фолкавае гучанне, але не прэтэндуе на аўтэнтычнасць, сярэднявечнасць і кананічнасць.

— Музыка для тых, хто любіць бой маршавых барабанаў. Музыка для тых, хто любіць гул дудаў і перадсмяротныя крыкі ворагаў, — сапраўдны крыўскі фолк, ваяўнічы, суворы, халодны, нібы сталь клінка, — гаворыцца ў апісанні альбому на сайце Crivia Records.

У альбом увайшлі дзесяць трэкаў, сярод іх — кавэр на кампазыцыю Burzum («Chiodaŭ Płač«), новае прачытанне сярэднявечных «танцаў смерці» («Skoki Śmierci») і беларуская версыя нэафолк-гімну «Wir Rufen Deine Wölfe» («Tvajoch Vaŭkoŭ My kličam»), запісанага разам з магілёўскім праектам Pragnavit. Мастэрынгам альбому займаўся Данатас Белькаўскас (DONIS).

Кампакт-дыск выдадзены ў трох варыянтах выкання і ўяўляе сабой ціснены фольгай digi sleeve, да якога дададзеныя постэр з тэкстамі песень і дзве каляровыя паштоўкі. Рэліз можна замовіць на сайце stigmata.name.

Праект Osterweg дэбютаваў з кампазіцыяй «Танец вайны», выдадзенай на адным са зборнікаў у 2011 годзе. Апошнія тры гады гурт вёў даволі актыўную канцэртную дзейнасць, паралельна ведучы працу над дэбютным альбомам. Па словах музыкаў, іх кампазіцыі — гэта ўласнае бачанне пэўных гістарычных падзей, духоўных і сакральных аспектаў.

Вячаслаў Радыёнаў, Ultra-Music

• Будзьма Беларусамі (budzma.org)

• Радыёнаў Вячаслаў

• OSTERWEG (г. Гродна)

• г. Гродна [Гародня; Горадня], Гродзенская вобласць, Беларусь
• Гродзенская вобласць, Беларусь
• Беларусь

• купалле
• інтэрпрэтацыі фальклору