::
2009.10.10 — “...Цары” — у Спісе спадчыны / Культура — штотыднёвая грамадска-асветнiцкая газета
Загаловак
“...Цары” — у Спісе спадчыны
Спасылка
Дата публікацыі
10.10.2009
Катэгорыя
публіцыстыка
Поўны тэкст

“...Цары” — у Спісе спадчыны

№ 41 (909) 10.10.2009 - 16.10.2009 г

З 28 верасня па 2 кастрычніка ў Абу-Дабі (Аб’яднаныя Арабскія Эміраты) прайшла IV Сесія Міжурадавага камітэта UNESCO па захаванні нематэрыяльнай культурнай спадчыны. Рэспубліка Беларусь з’яўляецца правадзейным членам гэтага камітэта да 2010 года.

 

Як паведаміла загадчык сектара аховы гісторыка-культурнай спадчыны Міністэрства культуры Рэспублікі Беларусь Наталля Хвір, рашэннем дадзенага Міжурадавага камітэта UNESCO ў Спіс сусветнай нематэрыяльнай культурнай спадчыны, якой патрабуецца тэрміновая ахова, быў уключаны адзін з элементаў нематэрыяльнай культурнай спадчыны Беларусі - абрад "Калядныя цары" вёскі Семежава Капыльскага раёна Мінскай вобласці. Гэты унікальны абрад, які ўтрымлівае ў сабе элементы каляднага карнавалу і народнай драмы "Цар Максіміліян", характэрны толькі для гэтай вёскі. У ім удзельнічаюць маладыя мужчыны і юнакі (так званыя "цары"), апранутыя ў спецыяльныя касцюмы (белыя штаны, белыя сарочкі, падпяразаныя чырвонымі семежаўскімі паясамі з геаметрычным арнаментам. Такія ж паясы крыж-накрыж пазавязваны на грудзях кожнага "цара". На галовах - высокія шапкі з рознакаляровымі папяровымі стужкамі). Працэсія "цароў" на Шчодры вечар (з 13 па 14 студзеня) наведвае дамы сялян і разыгрывае драму "Цар Максіміліян". Пасля прадстаўлення адбываецца традыцыйнае віншаванне гаспадароў дома і абдорванне ўдзельнікаў абраду. З надыходам цемнаты "цары" запальваюць факелы, што надае абраду незвычайную відовішчнасць.

Наш кар.

СМІ
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 24.11.2022 15:08:56

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.