Прэса → Матэрыял з прэсы:
2017.12.08 — Мінск у ценю Палесся: новы сезон спеўнага сходу (фота, відэа) / Газета "Новы Час" (novychas.by)
- ::
- 2017.12.08 — Мінск у ценю Палесся: новы сезон спеўнага сходу (фота, відэа) / Газета "Новы Час" (novychas.by)
- Загаловак
- Мінск у ценю Палесся: новы сезон спеўнага сходу (фота, відэа)
- Дата публікацыі
- 08.12.2017
- Катэгорыя рэпартажы
- Поўны тэкст
Мінск у ценю Палесся: новы сезон спеўнага сходу (фота, відэа)
- Культура
- 08-09-2017
Як распавёў Сяржук Доўгушаў, з палескімі спявачкамі ён пазнаёміўся сёлета на Троіцу, калі трапіў да іх на абрад ваджэння Кусты (НЧ пра яго пісаў). Жанчыны ўразілі яго сваімі песнямі і душэўным прыёмам, і вось атрымалася запрасіць іх у Мінск. За прышчэпленую прагу да этнаграфічных экспедыцый Сяржук падзякаваў даследчыцы Ірыне Мазюк, якая вывучае беларускую традыцыйную культуру ўжо амаль 20 гадоў. Ірына, у сваю чаргу, распавяла, як трапіла ў Церабень на пачатку сваіх палявых выездаў, а потым — у апошнія гады.
“Файна, што песні не згубіліся, — кажа даследчыца. — Іх усё так жа спяваюць, ашчадна захоўваюць. І гэта нават у абрадавых песнях не адзінагалоссе, а гетэрафонія, там вельмі тонкія гукі”. Больш познія, пазаабрадавыя песні жанчыны спяваюць на 2 галасы. Пэўна, каб не “перанапружваць” публіку акурат іх і абралі для развучвання: “Там за гаем зеляненькім”, “Ой, шчо гэто за верба” з позняга пласта лірыкі можна пачуць амаль па ўсёй Беларусі. А вось са жніўнай “Ой жала я нэ лежала” складаней, яна без спеўнай падтрымкі “Церабяначкі” ў наведвальнікаў Спеўнага схода не атрымалася.
Як распавяла на пачатку сустрэчы Ірына Мазюк, вёска Церабень праз асаблівасці навакольнага ландшафту была даволі ізаляванай, што садзейнічала захаванню старажытных песень. Акрамя трох вывучаных з публікай жанчыны выканалі радзінную песню, вясельныя, вясновую, яшчэ адну жніўную.
Прадэманстравалі мінскай публіцы і абрад ваджэння Кусты. Ён пачаўся з пошуку дзяўчыны, ахвочай на гэту ролю. Быццам бы пабыўшы Кустай можна хутка пайсці замуж. Мабыць, дзяўчаты такое сваё жаданне дэманстраваць саромеліся, таму ў выніку лісцем і вяночкам упрыгожылі школьніцу, якая пад спевы “Церабяначкі” абышла залу, збіраючы падарункі. У асноўным давалі грошы, нехта пачаставаў дзяўчыну шакаладкай. Прагучала пытанне, што даюць спявачкам у іх роднай вёсцы. “Частуюць, — адказалі жанчыны. — Хто яйкамі… А ў вас жа ў Мінску яек няма!”
Публіка сабралася рознага ўзросту, прыйшлі і ўдзельнікі спеўных гуртоў, і навукоўцы, і хіпстэры, і проста аматары. Некаторыя ўжо былі ў Церабні ў гасцях. Жанчыны запрашалі прыязджаць яшчэ, на Каляды, на Троіцу і проста ў госці.
У межах праекта “Традыцыя” плануецца акрамя звыклых спеўных сходаў выданне дыскаў, на што каманда праекту збірае грошы на краўдфандынгавай платформе “Талака”. Падтрымаць праект можна тут.
- Культура
- СМІ
- Аўтар(ы)
- Звязаныя персаналіі
- Звязаныя калектывы (гурты, установы)
- Карта
- Звязаныя лакацыі
- Тэмы
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.