::
2014.03.15 — Як дарога... / Культура — штотыднёвая грамадска-асветнiцкая газета
Загаловак
Як дарога...
Спасылка
Дата публікацыі
15.03.2014
Катэгорыя
рэпартажы
Поўны тэкст

Як дарога...

№ 11 (1137) 15.03.2014 - 21.03.2014 г

Выстаўка “Дарога, выбраная лёсам” працуе ў Нацыянальным гістарычным музеі да 16 сакавіка. Экспануюцца вырабы, створаныя спецыялістамі навукова-вытворчага рэспубліканскага ўнітарнага прадпрыемства “Скарбніца”.

Тут можна ўбачыць копіі традыцыйных тэкстыльных і саламяных вырабаў, сувенірна-падарункавую прадукцыю “Скарбніцы”. З дня свайго заснавання ў 1976-м прадпрыемства штогадова ладзіць этнаграфічныя экспедыцыі. Вынікі даследаванняў выкарыстоўваюцца ў вытворчай дзейнасці. Такім чынам, “Скарбніца” садзейнічае перайманню і трансляцыі рамёстваў.

Адкрыццё выстаўкі адбылося 6 сакавіка, напярэдадні Дня жанчын. Гэтым стваральнікі экспазіцыі імкнуліся падкрэсліць сувязь жыццёвага шляху жанчыны ў традыцыйнай культуры з рамёствамі. Прадметы побыту, асабліва тэкстыльныя, арнаментаваныя, мелі для продкаў не толькі ўтылітарны, але і сакральны сэнс. Жанчына, якая валодала мастацтвам стварэння арнаменту — ткацтвам і вышываннем, — у традыцыйным светаўспрыманні, фактычна выконвала функцыі жраца.

На адкрыцці выстаўкі агенцтва мадэлей “Студыя Тамара” зладзіла дэфіле ў касцюмах, вырабленых супрацоўнікамі “Скарбніцы”. Сярод прадстаўленых строяў былі як рэканструяваныя копіі прадметаў адзення з пэўных рэгіёнаў Беларусі, так і стылізаванае ўбранне. Дэфіле суправаджала выступленне гурта “Этна-суполка” Беларускага дзяржаўнага ўніверсітэта культуры і мастацтваў.

Алена ЛЯШКЕВІЧ

СМІ
Аўтар(ы)
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 04.11.2022 03:49:47

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.