::
2017.04.27 — Традыцыя вырабу саламяных павукоў у Дзяржаўным спісе гісторыка-культурных каштоўнасцей Рэспублікі Беларусь! / Інвентар НКС / livingheritage.by
Загаловак
Традыцыя вырабу саламяных павукоў у Дзяржаўным спісе гісторыка-культурных каштоўнасцей Рэспублікі Беларусь!
Спасылка
Дата публікацыі
27.04.2017
Катэгорыя
публіцыстыка
Поўны тэкст

Традыцыя вырабу саламяных павукоў у Дзяржаўным спісе гісторыка-культурных каштоўнасцей Рэспублікі Беларусь!

На пасяджэнні Рэспубліканскай навукова-метадычнай рады па пытаннях гісторыка-культурнай спадчыны, якое адбылося ў Міністэрстве культуры 27 красавіка 2017 г. прынята рашэнне аб уключэнні ў Дзяржаўны спіс гісторыка-культурных каштоўнасцей элемента нематэрыяльнай культурнай спадчыны «Традыцыя вырабу салямяных павукоў у Быхаўскім раёне Магілёўскай вобласці».

Падвясныя саламяныя канструкцыі – “павукі”, вядомы з глыбокай даўніны. У вёсках Быхаўскага раёна саламяных павукоў збіралі да 40-х гадоў XX ст. амаль у кожнай сялянскай сям’і. У ваенны перыяд практыка элемента перапынялася і была адноўлена ў канцы 50-х гг. Саламяны павук па традыцыі з’яўляецца абярэгам, які ахоўвае хату, прыносіць шчасце, забяспечвае дабрабыт сям’і, сёння прэваліруе яго дэкаратыўна-аздабленчая функцыя. 


Быхаўскія павукі збіраюцца па двух тыпах – пірамідальным (вв. Грудзінаўка, Рыжкаўка, Гадылёва) і рамбічным (вв. Няраж, Кузькавічы, Баркалабава). Саламяны павук з’яўляецца элементам рэгіянальнай ідэнтычнасці Быхаўшчыны, дзе ён па-ранейшаму захоўвае сваю традыцыйную марфалогію, дасканаласць і завершанасць форм, высокія мастацкія якасці.

Сёння вырабам павукоў займаюцца не толькі вясковыя жыхары, але і прафесійныя рамеснікі – майстры дэкаратыўна-прыкладнога мастацтва. Носьбітамі традыцыі на сённяшні дзень з’яўляюцца жыхаркі вёсак Быхаўскага раёна, якія перанялі майстэрства ад сваіх матуль, бабуль, старэйшых сясцёр, іншых сваякоў. Яны дзеляцца сакрэтамі майстэрства збору саламянай канструкцыі з навучэнцамі мясцовых школ, са сваімі дзецьмі і ўнукамі. Традыцыя вырабу саламяных павукоў актыўна падтрымліваецца і перадаецца маладомупакаленню ў Быхаўскай дзіцячай школе мастацкіх рамёстваў і мастацтваў пад кіраўніцтвам дырэктара Кухціной І. Г., якая з вялікай павагай ставіцца да захавання народных традыцый свайго краю.

Намінацыйны файл элемента НКС падрыхтаваны ДУА «Дзіцячая школа мастацкіх рамёстваў і мастацтваў г. Быхава» пры куратарскай дапамозе УК “Магілёўскі абласны метадычны цэнтр народнай творчасці і культурна-асветнай работы”. Файл прайшоў папярэднюю экспертызу на адпаведнасць патрабаванням Канвенцыі ЮНЕСКА. аб ахове нематэрыяльнай культурнай спадчыны 2003 г і нацыянальнага заканадаўства ў ДУА “Інстытут культуры Беларусі”. Навуковую экспертызу і мастацкую ацэнку правёў эксперт Сахута Я.М., доктар мастацтвазнаўства, прафесар, старшыня Беларускага Саюза майстроў народнай творчасці. 

У экспертным заключэнні падкрэсліваецца, што актыўнасць быхаўскіх спецыялістаў па адраджэнні і актыўным уключэнні ў сучасны культурны кантэкст арыгінальнага віду народнай мастацкай творчасці заслугоўвае прызнання і падтрымкі, а ўключэнне ў такой адметнай мастацкай з’явы ў Дзяржаўны спіс гісторыка-культурных каштоўнасцей Рэспублікі Беларусь стане добрым стымулам для яе далейшага пашырэння і развіцця.

СМІ
Звязаныя калектывы (гурты, установы)
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 07.06.2021 01:31:06

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.