::
2014.01.25 — Намётка, "Стрылка" ды Сцвіга / Культура — штотыднёвая грамадска-асветнiцкая газета
Загаловак
Намётка, "Стрылка" ды Сцвіга
Спасылка
Дата публікацыі
25.01.2014
Катэгорыя
публіцыстыка
Поўны тэкст

Намётка, "Стрылка" ды Сцвіга

№ 4 (1130) 25.01.2014 - 01.01.2005 г

На гэтым тыдні на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры былі разгледжаны прапановы па неабходнасці надання статусу нематэрыяльнай гісторыка-культурнай каштоўнасці шэрагу элементаў нематэрыяльнай спадчыны. Cярод іх побытавы танец “Спораўская полька” в. Спорава Бярозаўскага раёна; веснавы абрадавы карагод “Стрылка” в. Бездзеж Драгічынскага раёна; абрад “Насіць намётку” в. Папшычы Глыбоцкага раёна; традыцыі вырабу валёнак у Міёрскім раёне; спеўны стыль Тураўскага міжрэчча Прыпяці — Сцвігі; традыцыя вырэзвання з паперы (выцінанкі-выбіванкі) у Навагрудскім раёне; традыцыя шанавання Святога каменя ў в. Крамянец Лагойскага раёна; выканальніцкае майстэрства ў жанры казкавай прозы Лідзіі Цыбульскай з в. Магільна Уздзенскага раёна. Гэтыя традыцыі з’яўляюцца яркімі ідэнтыфікатарамі культур лакальных супольнасцей Беларусі. Акрамя таго быў разгледжаны і элемент агульнанацыянальнага значэння — Урачыстасць у гонар ушанавання абраза Маці Божай Будслаўскай (Будслаўскі фэст).

 

Усе прапановы знайшлі падтрымкі ў Рады, а таму застаецца толькі дачакацца адпаведнай пастановы Савета Міністраў Рэспублікі Беларусь аб уключэнні названых элементаў у Дзяржаўны спіс гісторыка-культурных каштоўнасцей Рэспублікі Беларусь. Варта адзначыць, што сёння абмяркоўваецца магчымасць намінацыі Будслаўскага фэсту ў Рэпрэзентатыўны спіс нематэрыяльнай спадчыны UNESCO.

Таццяна МАРМЫШ, намеснік начальніка аддзела навукова-метадычнага забеспячэння дзейнасці па ахове гісторыка-культурнай спадчыны Інстытута культуры Беларусі

На здымках: валенне валёнак і расчэсванне воўны ў вёсцы Запалассе Міёрскага раёна; так ўвасабляецца "Спораўская полька"; выканальніца казкавай прозы Лідзія Цыбульская з вёскі Магільна на Уздзеншчыне; абрад “Насіць намётку” ў вёсцы Папшычы Глыбоцкага раёна; традыцыя вырэзвання з паперы (выцінанкі-выбіванкі) на Навагрудчыне.

 

Фота — ад Інстытута культуры Беларусі

СМІ
Аўтар(ы)
Звязаныя персаналіі
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 08.01.2019 09:11:48

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.