У передачы "Культур-мультур" на TUT.BY-ТВ Яўген Даўгiх i яго госцi паспрабуюць адказаць на дзiўнае на першы погляд пытанне – чаму наш родны фальклор, так, як ён гучыць "у арыгiнале", амаль нiдзе немагчыма пачуць?
Хто прыме ўдзел у перадачы? Гурт мужчынскага спеву “Кудмень” – адзін з гуртоў, які вылучыўся з моладзевай суполкі, узніклай у канцы 90-х гадоў (будучага Студэнцкага этнаграфічнага таварыства). Удзельнікі гурта імкнуцца як мага глыбей зразумець этнічны мелас беларусаў і авалодаць традыцыйнай мужчынскай спеўнай і інструментальнай культурай. Выкарыстоўваюць архіўныя запісы этнамузыколагаў, праводзяць рэгулярныя экспедыцыйныя даследаванні. Рэпертуар складаюць бяседныя і вайсковыя песні Беларускага Палесся.
Ірына Мазюк, кіраўнік гурта:
Адна з адукацый – мастак па тэкстылі. Выкладчык Акадэміі мастацтваў.
Даследчык традыцыйнай спеўнай культуры беларусаў. З 1998 па 2010 – навуковы супрацоўнік Лабараторыі традыцыйнага мастацтва БЕЛіПК. Укладальнік серыі аўдыёдыскаў этнічнай музыкі беларусаў. Арганізатар І-ІV канцэртаў “Фальклор беларускай глыбінкі”.
Алег Лук’янцаў:
Нарадзіўся ў Прыморскім краі. Адукацыя – хімфак БДУ. Працаваў інжынерам на НВА “Інтэграл”. Зараз – наладчык КІПіА ААТ “МАЗ”. Захапленні: аўтэнтычны фальклор (спеў, дуда, гармонік). Валодае культурай “падводкі” беларускага шматгалоснага спеву.
Дзяніс Сухі:
Супрацоўнік Акадэміі мастацтваў. Дудар, скрыпач, спявак, майстар музычных інструментаў. Адна з адукацый – гукарэжысёр. Дзед – традыцыйны спявак, які жыве ў в. Граб’е Акцябрскага р-на Гомельскай вобл.
Павел Сілівончык:
Адукацыя – мастак (жывапіс, кераміка). Выкладчык. Спявае ў гурце “Кудмень” з канца 90-х. Піша ўласныя песні, грае на акардэоне.
Таксама прагучаць у вiдэазапiсах дзве народныя песнi ў выкананнi вясковых спявачак:
1. "Соловэйко на каліні" (video)
2. "За лес" (video)
Каментароў — 0
Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.