::
2016.04.29 — Песні пакінутых вёсак загучалі ў выданні Цэнтра даследаванняў беларускай культуры, мовы і літаратуры НАН Беларусі / Нацыянальная акадэмія навук Беларусі (НАН РБ)
Загаловак
Песні пакінутых вёсак загучалі ў выданні Цэнтра даследаванняў беларускай культуры, мовы і літаратуры НАН Беларусі
Спасылка
Дата публікацыі
29.04.2016
Катэгорыя
рэцэнзіі
Анатацыя

Напярэдадні 30-годдзя чарнобыльскай катастрофы ў выдавецтве ТДА «Бяловагруп» выйшла кніга “Песні пакінутых вёсак”. Выданне падрыхтавана сумесна з Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі і адкрывае шырокаму колу чытачоў забытыя старонкі культурнай спадчыны сакральнага гучання.

Поўны тэкст

Напярэдадні 30-годдзя чарнобыльскай катастрофы ў выдавецтве ТДА «Бяловагруп» выйшла кніга “Песні пакінутых вёсак”. Выданне падрыхтавана сумесна з Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі і адкрывае шырокаму колу чытачоў забытыя старонкі культурнай спадчыны сакральнага гучання.

Архіўныя матэрыялы, прадстаўленыя ў дадзенай кнізе, – гэта ўнікальная песенная спадчына, якая вылучаецца высокім густам і друкуецца ўпершыню. Песні былі запісаны і сабраны ў розныя часы задоўга да чарнобыльскай катастрофы ў вёсках, якія зараз ужо не існуюць (Брагінскага, Ельскага, Нараўлянскага, Хойніцкага раёнаў).

Фальклорныя традыцыі Беларусі ўбіраюць ў сабе духоўны дар – мову, песню, памяць продкаў. Выданне збору “Песні пакінутых вёсак” паслужыць справе выратавання, захоўвання і адраджэння айчыннай культуры. Выключная архаіка этнакультурных традыцый чарнобыльскіх рэгіёнаў – найкаштоўнейшы матэрыял для гісторыкаў, мовазнаўцаў, этнографаў, прафесійных і самадзейных мастацкіх калектываў. Кніга, безумоўна, стане бясцэннай для ўсіх тых, каго напаткаў сумны лёс: назаўсёды пакінуць забруджанныя тэрыторыі.

Высокі ўзровень кампетэнтнасці выдання забяспечваюць спецыялісты Цэнтра даследаванняў беларускай культуры, мовы і літаратуры НАН Беларусі, супрацоўнікі музеяў, пазначаных рэгіёнаў, ўдзельнікі даўніх экспедыцый у забруджаныя раёны, якія сабралі больш за 300 адзінак матэрыяльных помнікаў. Укладальнікамі з’яўляюцца доктар філалагічных навук Т.В. Валодзіна, кандыдат філалагічных навук Н.Г. Мазурына (музычная частка). Кніга падрыхтавана пад агульнай рэдакцыяй доктара гістарычных навук, доктара архітэктуры, прафесара, акадэміка А.І. Лакоткi.

Выданне фарматам 170Х300 мм і аб’ёмам 356 старонак багата ілюстравана разнастайнымі фотаздымкамі: мясцовымі відарысамі, творамі народнага дэкаратыўна-ўжытковага мастацтва – ручнікамі, якія падкрэсліваюць сакральную адметнасць кнігі. Высокую паліграфічную якасць выдання забяспечыў “Паліграфкамбінат ім. Я. Коласа”.

Дадатковая інфармацыя аб выданні :
+375 (17) 284 29 21, Аляксандр Іванавіч Лакотка, дырэктар Цэнтра даследаванняў беларускай культуры, мовы і літаратуры НАН Беларусі.

СМІ
Звязаныя персаналіі
Звязаныя калектывы (гурты, установы)
Звязаныя выданні
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 16.08.2019 11:16:00

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.