::
2013.01.18 — Вынікі пасяджэння Беларускай рэспубліканскай навукова-метадычнай рады па пытаннях гісторыка-культурнай спадчыны. 16 студзеня 2013 г. / Інвентар НКС / livingheritage.by
Загаловак
Вынікі пасяджэння Беларускай рэспубліканскай навукова-метадычнай рады па пытаннях гісторыка-культурнай спадчыны. 16 студзеня 2013 г.
Спасылка
Дата публікацыі
18.01.2013
Катэгорыя
навіны
Анатацыя

16 студзеня 2013 г. ў Міністэрстве культуры РБ адбылося пасяджэнне Беларускай рэспубліканскай навукова-метадычнай рады па пытаннях гісторыка-культурнай спадчыны.

Поўны тэкст

16 студзеня 2013 г. ў Міністэрстве культуры РБ адбылося пасяджэнне Беларускай рэспубліканскай навукова-метадычнай рады па пытаннях гісторыка-культурнай спадчыны.

Сярод іншага на разгляд Рады было вынесена пытанне пра наданне статусу гісторыка-культурнай каштоўнасці наступным элементам нематэрыяльнай культурнай спадчыны:

-       Традыцыі паломніцтва і пакланення крыніцы "Блакітная крыніца" каля в. Кліны Слаўгарадскага раёна Магілёўскай вобласці жыхарамі ўсходніх раёнаў  Магілёўскай і Гомельскай абласцей, сумежных раёнаў Расіі як нематэрыяльнай гісторыка-культурнай каштоўнасці з прысваеннем катэгорыі "Б";

-       Традыцыі святкавання дзіцячага каляднага абраду "Куры" ў Клічаўскім раёне Магілёўскай вобласці як нематэрыяльнай гісторыка-культурнай каштоўнасці з прысваеннем катэгорыі "Б";

-       Традыцыі роспісу велікодных яек у с.п. Сапоцкін Гродзенскага раёна Гродзенскай вобласці як нематэрыяльнай гісторыка-культурнай каштоўнасці з прысваеннем катэгорыі "Б";

-       Традыцыйнай тэхналогіі выпечкі жытняга хлеба ў в. Дзеркаўшчына Глыбоцкага раёна Віцебскай вобласці як нематэрыяльнай гісторыка-культурнай каштоўнасці з прысваеннем катэгорыі "Б";

-       Тэхналогіі прыгатавання традыцыйнай стравы "Масляны баран" у в. Мацюкова Глыбоцкага раёна Віцебскай вобласці як нематэрыяльнай гісторыка-культурнай каштоўнасці з прысваеннем катэгорыі "Б".

Зыходзячы з адпаведнасці прадстаўленых аб'ектаў крытэрыям, вызначаным палажэннямі артыкула 20 Закона "Аб ахове гісторыка-культурнай спадчыны РБ" Рада прыняла рашэнне ўнесці прапанову ў Савет Міністраў  аб неабходнасці надання статусу гісторыка-культурнай каштоўнасці дадзеным элементам.

Больш дэталёва з аб'ектамі нематэрыяльнай культурнай спадчыны Беларусі можна азнаёміцца на сайце "Жывая спадчына Беларусі" ў раздзеле "Беларускі каляндар".

З фотарэпартажам з пасяджэння Рады можна азнаёміцца тут.

СМІ
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 24.01.2021 16:11:20

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.