::
2016.03.20 — На Чэрвенскім рынку гукалі вясну (фотарэпартаж) / Газета "Новы Час" (novychas.by)
Загаловак
На Чэрвенскім рынку гукалі вясну (фотарэпартаж)
Спасылка
Дата публікацыі
20.03.2016
Катэгорыя
рэпартажы
Анатацыя

Рэспубліканская грамадская арганізацыя “Студэнцкае этнаграфічнае таварыства” зладзіла 19 сакавіка гуканне вясны на Чэрвенскім рынку ў Лошыцы.

Поўны тэкст

Рэспубліканская грамадская арганізацыя “Студэнцкае этнаграфічнае таварыства” зладзіла 19 сакавіка гуканне вясны на Чэрвенскім рынку ў Лошыцы.



 

Гукалі каля дзвюх гадзін, за гэты час некалькі разоў мянялася надвор’е: то пачынаў ісці снег, то свяціла сонейка, то станавілася пахмурна. “Добрая вясна выдалася сёлета ўзімку і добрая зіма ўвесну. Але зараз пагукаем — усё паправім” — жартавалі дзяўчаты.

Спярша дзяўчаты прайшліся карагодам па гандлёвых радах, павесілі папяровых птушак. Спявалі вяснянкі, танчылі і гулялі, частавалі дзетак і даролых печывам у форме птушак.

Збольшага гандляры і наведвальнікі рынку рэагавалі зацікаўлена і весела: “Дзяўчаты, дзе вашы хлопцы?!”, “Гэта, напэўна, валачобнікі”.

Гэта ўжо трэццяе сумеснае мерапрыемства Студэнцкага этнаграфічнага таварыства і адміністрацыі Чэрвенскага рынку.

20 сакавіка Студэнцкае этнаграфічнае таварыства ладзіць “вялікае” гуканне вясны ў Вязынцы, таму дзею на рынку можна лічыць рэпетыцыяй.

У народным побыце гукаць вясну пачыналі дзе-нідзе ўжо з Грамніцаў, а працягвалі ледзь не да Вялікадня.

СМІ
Аўтар(ы)
Звязаныя калектывы (гурты, установы)
Тэмы
Гэта кэшаваныя старонка. Апошняя сінхранізацыя з базай - 15.09.2019 11:15:45

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.