::
2016.12.17 — Беларуска-нямецкія Каляды ў Багдановіча (фота, відэа) / Газета "Новы Час" (novychas.by)
Загаловак
Беларуска-нямецкія Каляды ў Багдановіча (фота, відэа)
Спасылка
Дата публікацыі
17.12.2016
Катэгорыя
навіны
Анатацыя

У музеі Максіма Багдановіча прайшла беларуска-нямецкая калядная вечарына.

Поўны тэкст

У музеі Максіма Багдановіча прайшла беларуска-нямецкая калядная вечарына.

 

 

У фае гасцей чакалі майстар-класы па роспісе калядных пернікаў і цацак, а таксама варажба ад сяброў Студэнцкага этнаграфічнага таварыства. Цыганка з Буслом прапаноўвалі загадаць на наступны год жаданне і ўзяць з пакеціка жменьку бабоў. Потым бабы трэба было пералічыць (Бусел “дапамагаў”, дзюбай). Калі цот — жаданне спраўдзіцца, калі лішка — то, на жаль, не.

 

 

 


 

На адкрыцці імпрэзы дырэктар Музея гісторыі беларускай літаратуры Зміцер Яцкевіч адзначыў, што беларуска-нямецкае сяброўства мае глыбокія гістарычныя карані. Узгадваючы пачатак сваёй кар’еры рэстаўратара, ён распавёў, як са здзіўленнем усвядоміў, што шмат слоў беларускай будаўнічай лексікі маюць нямецкія карані: кафля, дахоўка…

 

 


 

Дзяўчаты са Студэнцкага этнаграфічнага таварыства выканалі некалькі беларускіх калядак. Калядаванне з Казой і Буслом быццам бы перанесла прысутных на сто год назад у беларускую вёску.

 


 

 

Арганізатарам з нямецкага боку быў Інстытут нямецкіх даследаванняў пры БДУ. Ён падрыхтаваў шмат гульняў і конкурсаў, абмен падарункамі. Гасцей частавалі глінтвейнам і печывам.

 

Вечарына скончылася супольным спяваннем беларускай калядкі “Хадзілі-гулялі калядоўшчыкі”.

СМІ
Аўтар(ы)
Звязаныя калектывы (гурты, установы)
Тэмы
Гэта кэшаваныя старонка. Апошняя сінхранізацыя з базай - 29.09.2019 06:19:22

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.