::
2017.01.08 — Абрад “Насіць намётку” в. Папшычы Глыбоцкага раёна Віцебскай вобласці / Інвентар НКС / livingheritage.by
Загаловак
Абрад “Насіць намётку” в. Папшычы Глыбоцкага раёна Віцебскай вобласці
Спасылка
Дата публікацыі
08.01.2017
Катэгорыя
публіцыстыка
Анатацыя

Штогод на свята Спаслання Духа Святога на апосталаў па календары каталіцкай канфесіі (“Зялёныя свёнткі”) жыхары вёскі Папшычы, што на Глыбоччыне, збіраюцца, каб “пранесці намётку”. Дадзеная традыцыя з’яўляецца мадыфікацыяй старажытнага абыдзённага абраду.

Поўны тэкст

Абрад “Насіць намётку” в. Папшычы Глыбоцкага раёна Віцебскай вобласці

Штогод на свята Спаслання Духа Святога на апосталаў па календары каталіцкай канфесіі (“Зялёныя свёнткі”) жыхары вёскі Папшычы, што на Глыбоччыне, збіраюцца, каб “пранесці намётку”. Дадзеная традыцыя з’яўляецца мадыфікацыяй старажытнага абыдзённага абраду.

Абрадавая дзея распачынаецца адмысловым спевам (“Królu nieba wysokiego”), пасля чаго разгортваецца адрэз палатна – намётка – і прысутныя кладуць на яе грашовую ахвяру. Намётку праносяць над маленькімі дзецьмі і іх бацькамі, што, як лічаць у вёсцы, дадатна ўплывае на іх здароўе і дабрабыт. Працэсія з разгорнутым палатном (даўжыня тканіны прыкладна 6 м) накіроўваецца да капліцы на могілкі, дзе адбываецца яго асвячэнне і ахвяраванне касцёлу.

Намётка ўспрымаецца мясцовымі жыхарамі як калектыўная ахвяра, якая здзяйсняецца для падтрымання паспяховага існавання супольнасці і заклікана для засцярогі вяскоўцаў ад магчымых катаклізмаў. Вяскоўцы падтрымліваюць веру ў незвычайную моц намёткі, у тое, што яна ахоўвае ўсю вёску. Акрамя таго, абрад  звязаны з ушанаваннем продкаў. Практыка здзяйснення абраду ў Папшычах нават у самыя неспрыяльныя часы для традыцыі ніколі не перапынялася.

Дадзенаму элементу нематэрыяльнай культуры 22 студзеня 2014 г. на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры Рэспублікі Беларусь было прынята рашэнне надць статус нематэрыяльнай гісторыка-культурнай каштоўнасці Рэспублікі Беларусь.

СМІ
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 06.02.2021 06:49:55

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.