::
2014.04.22 — Валачобніцтва ў в. Віркаў Клічаўскага раёна 20 красавіка 2014 г. / Інвентар НКС / livingheritage.by
Загаловак
Валачобніцтва ў в. Віркаў Клічаўскага раёна 20 красавіка 2014 г.
Спасылка
Дата публікацыі
22.04.2014
Катэгорыя
рэпартажы
Анатацыя

На Вялікдзень у вёсцы Віркаў Клічаўскага раёна хадзілі ў валачобнікі работнікі культуры і сябры РМГА "Студэнцкае этнаграфічнае таварыства".

Поўны тэкст

Валачобніцтва ў в. Віркаў Клічаўскага раёна 20 красавіка 2014 г.

На Вялікдзень у вёсцы Віркаў Клічаўскага раёна хадзілі ў валачобнікі работнікі культуры і сябры РМГА "Студэнцкае этнаграфічнае таварыства".

Віркаў цікавы тым, што вёску даўней рытуальна абыходзілі і на Каляды, і на Вялікдзень. Падрабязна распавяла пра ўсе даўнейшыя абрады Надзея Іванаўна Каледзіч, з якой сябры РМГА "Студэнцкае этнаграфічнае таварыства" пагутарылі падчас этнаграфічнай экспедыцыі ў 2011 г. З таго часу Надзея Іванаўна выступае галоўным кансультантам, калі работнікі культуры раёна бяруцца рэканструяваць абрады. Гэтым разам валачобнікам яна параіла слухаць запявалу і ўступаць усім гуртом толькі на паўторы радкоў песні.

Віркаў і цяпер немалая вёска, хаты раскіданыя на некалькі вуліц. Даўней, па ўспамінах старажылаў, валачобнікі пачыналі хадзіць з вечара і, бывала, сканчвалі толькі раніцой. Сёлета вырашылі раздзяліцца на два гурты, каб паспець абыйсці больш хат. Выконвалі валачобныя песні, запісаныя менавіта ў Віркаве.

Дзякуючы руплівай працы Жаны Яўгенаўны Ачыновіч, загадчыцы аўтаклуба Цэнтралізаванай клубнай сістэмы Клічаўскага раёна, сёлета ў Віркаве адноўлены і калядны абрад"цыганы".

 Алена Ляшкевіч

 Фота аўтаркі з валачобніцтва можна паглядзець тут

СМІ
Аўтар(ы)
Звязаныя персаналіі
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 30.04.2019 21:53:21

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.