::
2014.11.12 — Вёльцы на Камарыншчыне (Гомельская вобласць) / Інвентар НКС / livingheritage.by
Загаловак
Вёльцы на Камарыншчыне (Гомельская вобласць)
Спасылка
Дата публікацыі
12.11.2014
Катэгорыя
публіцыстыка
Анатацыя

На поўдні Беларусі, на Камарыншчыне, існуе цікавы звычай вырабу вёльцаў на вяселле.

Поўны тэкст

Вёльцы на Камарыншчыне (Гомельская вобласць)

На поўдні Беларусі, на Камарыншчыне, існуе цікавы звычай вырабу вёльцаў на вяселле.

Робяць вёльцы ў хаце нявесты і ў хаце жаніха ў пятніцу напярэдадні вяселля. Усе, хто спрычыняецца да вырабу вёльцаў, а таксама пераносіць іх, замацоўвае, павінны жыць у шчаслівым шлюбе. Бацька ці іншы мужчына высякае з пладовага дрэва, пажадана грушы, галінку з трыма рагулькамі на ёй. Увечары тры жанчыны ўпрыгожваюць гэтую галінку аўсом, калінай, а таксама стужкамі і самаробнымі кветкамі. У час працы павінна прагучаць хаця б адна вясельная песня. Упрыгожаныя вёльцы замацоўваюць у бохан хлеба і ставяць на ручнік.

На другі дзень, пасля таго, як заўюць маладую, мужчына ўрачыста выносіць вёльцы і ставіць іх перад маладымі на стол. Родзічы жаніха і нявесты абменьваюцца вёльцамі. Выносіць вёльцы з хаты таксама мужчына.

Вёльцы замацоўваюць на хаце маладой і на хаце маладога. Для гэтага тры мужчыны з вёльцамі, малатком залазяць па лесвіцы на дах і на вільчыку прыбіваюць вёльцы. Ля вёльцаў абавязкова прымацоўваюць бутэльку з гарэлкай, якую пасля нараджэння першанца трэба выпіць. Мужчынам падаюць наверх гарэлку і закуску. Потым яны павінны кінуць уніз талерку і чаркі так, каб тыя абавязкова разбіліся. Усё гэта суправаджаецца ігрой на гармоніку, вяселымі песнямі і прыпеўкамі.

Старыя людзі кажуць, што вёльцы аберагаюць маладую сям’ю ад злога вока. 


Паводле Дар’і Герман, вучаніцы ДУА “Ёлчанская сярэдняя школа” (Брагінскі раён, Гомельская вобласць).Праца ўдзельнічала ў абласным конкурсе “Звычаі, традыцыі і абрады сваёй мясцовасці”, які праводзіўся УА “Гомельскі дзяржаўны абласны цэнтр турызму і краязнаўства навучэнскай моладзі” ў 2011-2012 навучальным годзе.

Фота можна паглядзець тут.

СМІ
Аўтар(ы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 20.10.2019 20:02:52

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Аўтарызавацца можна праз

Перайсці да абмеркавання гэтай старонкі.

* УВАГА! Партал ETHNO.by не прадугледжвае тэхнічнай магчымасці каментавання на старонках партала. Абмеркаванне матэрыялаў партала цалкам ажыццяўляецца сродкамі вонкавага сэрвіса Disqus.com, уладальнік каторага, паводле Пастановы Савета Міністраў РБ №850 ад 23.11.2018 нясе адказнасць за ідэнтыфікацыю карыстальнікаў і іх каментары.