Прэса → Матэрыял з прэсы:

2016.11.26 — Як у Скірмантаве гуляюць у Ката / Газета "Звязда" (zviazda.by)

• Як у Скірмантаве гуляюць у Ката
  http://zviazda.by/be/news/20161126/1480166656-yak-u-skirmantave-gulyayuc-u-kata

Вясёлае ігрышча праводзіцца перад Піліпаўкай.

Калядны пост пачынаецца 28 лістапада. Напярэдадні яго ў вёсцы Скірмантава Дзяржынскага раёна праводзіцца вясёлае ігрышча, якое здаўна называецца “Ката пячы”. Насамрэч, гэта адна з форм вясковых пасядзелак, у якіх пераважаюць бліскучы гумар і вясёлыя жарты, танцы і гульні.

Галоўны атрыбут адной з такіх гульняў - пернік, крэндзель альбо булка, якую выпякаюць у форме хатняга любімца – коціка (нездарма вечарына мае такую адмысловую назву).

Кульмінацыяй гульні становяцца гарачыя спрэчкі, спаборніцтвы на самага спрытнага і ўвішнага гульца, які ўхопіць Ката за лапы альбо за хвост. Ката падвешваюць на палцы альбо на бэльцы пад столлю. Той, хто ўключаецца ў гульню, гучна прамаўляе: ”Ад парога да кута еду да лысага Ката”. Пасля гульні вечарына працягваецца шумным застоллем, гучаць песні.

Спрадвеку ад гэтага часу і да самых Каляд нельга было праводзіць вясёлых пасядзелак, гульняў і застолляў.  

Анатоль Кляшчук, фота аўтара

Дзяржынскі раён

• Газета "Звязда" (zviazda.by)

• Кляшчук А. В.

• в. Скірмантава [Скірмантова], Дзяржынскі раён (Путчинский c/c), Мінская вобласць, Беларусь
• Дзяржынскі раён, Мінская вобласць, Беларусь
• Мінская вобласць, Беларусь
• Беларусь

• Пост
• гульні
• інвентар НКС
• запусты
• піліпаўка
• стравы