::
2018.06.29 — Тысячы пілігрымаў прыбудуць у нядзелю ў Будслаў / СБ. Беларусь сегодня / Советская Белоруссия / Рабочий
Загаловак
Тысячы пілігрымаў прыбудуць у нядзелю ў Будслаў
Спасылка
Дата публікацыі
29.06.2018
Катэгорыя
публіцыстыка
Поўны тэкст

Пакланіцца апякунцы

Будслаў — месца намоленае. Здаецца, не толькі зямля, але нават паветра насычана тут духам малітвы. На працягу стагоддзяў людзі прыходзілі сюды, станавіліся на калені, маліліся...

ФОТА CATHOLIC.BY

Першыя манахі-бернардзінцы, якія і заклалі парафію ў Будславе, з’явіліся тут яшчэ ў пачатку XVI стагоддзя. А ў 1613 годзе сюды быў прывезены цудатворны абраз Маці Божай Будслаўскай. Вядома, што ў 1598 годзе рымскі папа Клімент VIII падараваў яго мінскаму ваяводу Яну Пацу, калі той перайшоў з кальвінізму ў каталіцтва. Пасля смерці Паца абраз застаўся яго капелану Ісаку Салакаю — ён, узрушаны набажэнствам у Будславе, і ахвяраваў яго касцёлу і бернардзінцам. З самага пачатку будслаўскі абраз атрымаў пашану ў людзей. Звесткі пра цуды, якімі ён адорваў веруючых, хутка разляцеліся далёка па краіне і за яе межы. Пра іх нават кнігу напісалі — яшчэ ў XVII стагоддзі.

Сёння абраз шануецца і католікамі, і праваслаўнымі, і беларусамі, і замежнікамі. Найбольш вернікаў тут бывае падчас Будслаўскага фэсту. Людзі пераадольваюць сотні кіламетраў пешшу, на веласіпедах і аўтамабілях, каб аддаць пашану і аддзячыць Маці Божай Будслаўскай, якая лічыцца Апякункай і Заступніцай Беларусі.

Сёлетнія ўрачыстасці пройдуць 1—2 ліпеня пад дэвізам “Моладзь — надзея Касцёла і грамадства”. Фэст прысвечаны 20-годдзю каранацыі абраза Маці Божай Будслаўскай. Пачнецца свята ў нядзелю з сустрэчы і прывітання пілігрымаў. Вядома, што сёлета ў Будслаў рушыла каля дваццаці пілігрымак з розных куткоў краіны. Першая і найбольш працяглая стартавала ў Брэсце яшчэ 16 чэрвеня — удзельнікам пілігрымкі наканавана было пераадолець больш за паўтысячы кіламетраў.

У першы дзень урачыстасцей запланаваны малітвы, святыя імшы, начная працэсія са свечкамі і копіяй абраза Маці Божай Будслаўскай. Спаць Будслаў не будзе да самай раніцы. Пілігрымаў чакаюць моладзевая праграма ў намётавым гарадку, адарацыя Найсвяцейшага Сакрамэнту, гадзінкі аб Беззаганным Зачацці Найсвяцейшай Панны Марыі і гэтак далей. Найважнейшая падзея ўрачыстасцей у Будславе — галоўная святая імша — адбудзецца 2 ліпеня, яна пачнецца ў 11 гадзін раніцы. Цэлебраваць яе будзе Апостальскі Нунцый у Беларусі арцыбіскуп Габар Пінтэр.

mila@sb.by
СМІ
Аўтар(ы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 26.08.2021 05:23:31

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.