::
2018.11.02 — Час памятаць / СБ. Беларусь сегодня / Советская Белоруссия / Рабочий
Загаловак
Час памятаць
Спасылка
Дата публікацыі
02.11.2018
Катэгорыя
публіцыстыка
Поўны тэкст

Рознакаляровыя лампады і свечкі з дрыготкімі агеньчыкамі напаўняюць могілкі і храмы. Нагадваюць нам — надышоў час памаліцца за тых, хто сышоў у свет іншы, успомніць добрым словам блізкіх, якіх так не хапае, і выказаць пашану далёкім продкам, якіх мы нават не ведаем. Учора ў заходняй хрысціянскай традыцыі адзначалася ўрачыстасць Усіх Святых, сёння, у Дзень задушны, католікі моляцца за ўсіх памерлых, а заўтра, у Дзімітраўскую бацькоўскую суботу, продкаў будуць успамінаць праваслаўныя. Гэта адзін з самых галоўных дзён агульнага царкоўнага памінання ўсіх памерлых праваслаўных хрысціян, які быў устаноўлены вялікім князем Дзмітрыем Данскім яшчэ ў пачатку XIV стагоддзя. Аднак традыцыя памінання памерлых у першыя лістападаўскія дні куды больш старэйшая.


Восеньскія Дзяды, або Асяніны, святкавалі яшчэ ў дахрысціянскія часы. Людзі верылі, што ў гэты дзень Дзяды — душы продкаў — апускаюцца на зямлю, каб даведацца, як жывуць iх нашчадкi. На свята ўсе хатнія мыліся ў лазні, пакідалі пасля сябе крыху чыстай вады і венік — каб і душы маглі памыцца. Ішлі на могілкі, пакідалі ласункі, а вяртаючыся дадому, рыхтавалі багаты памінальны стол, на якім звычайна прысутнічалі бліны, клёцкі “з душамі”, кісель, крупнік з грыбамі або рыбай, верашчака з каўбасой і іншыя стравы. Пачастункі рабілі для таго, каб задаволіць душы продкаў, якія, лічылася, нябачна прысутнічаюць на агульным застоллі. Продкаў не толькі частавалі, але і забаўлялі — у гэты святочны вечар дазвалялася спяваць, танцаваць, граць на музычных інструментах, пераапранацца ў касцюмы з маскамі. Людзі верылі, што задаволеныя Дзяды будуць спрыяць у жыццёвых справах сям’і.


У хрысціянскай традыцыі ў гэтыя дні не прынята весяліцца. Гэта час, каб схадзіць у храм, наведаць могілкі, запаліць свечкі за памерлых блізкіх, выказаць ім сваю любоў і павагу, сказаць тое, што па нейкіх прычынах не сказалі ім пры жыцці... У гэта свята і Царква, і Касцёл не дазваляюць прыносіць пачастункі на могілкі — памерлым патрэбна не матэрыяльная ежа, а духоўны пажытак, якім з’яўляецца наша малітва за іх душы.

 

 

 

 

 


Фота Максіма Вечара і БЕЛТА

mila@sb.by
СМІ
Аўтар(ы)
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 07.09.2021 14:50:44

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.