::
2019.05.03 — Юрьев день отмечают во многих регионах страны / СБ. Беларусь сегодня / Советская Белоруссия / Рабочий
Загаловак
Юрьев день отмечают во многих регионах страны
Спасылка
Дата публікацыі
03.05.2019
Катэгорыя
навіны
Поўны тэкст

Заступнік жывёл

Святы Юрый лічыцца заступнікам жывёлы і гаспадаркі. У яго дзень, 6 мая, згодна з беларускай традыцыяй, здзяйснялі абрадавы абход палёў, варажылі пра будучы ўраджай, качаліся па ніве, каб зямля радзіла, спявалі абрадавыя песні. Да Юр’я прымяркоўваўся першы выган статка ў поле, «на юр’еву расу», якой надавалася цудадзейная моц. Юр’я і сёння адзначаюць у многіх рэгіёнах Беларусі, у некаторых — з асаблівым размахам.

METODCENTR.INBEL.BIZ

Абрад Юр’я ў вёсцы Ахонава Дзятлаўскага раёна ўспрымаецца мясцовымі жыхарамі як «другі Вялікдзень». Свята ўключана ў Дзяржаўны спіс гісторыка-культурных каштоўнасцей і вылучаецца выразнымі лакальнымі адметнасцямі. Акрамя традыцыйнай земляробчай і жывёлагадоўчай тэматыкі, згодна з livingheritage.by, тут прысутнічае і яскрава выяўлены шлюбны змест.

Ахонава — вёска з доўгай гісторыяй. Першыя звесткі пра яе адносяцца да XVII стагоддзя, калі вёска належыла канцлеру ВКЛ Сапегу. Здаўна тут трымаюць хатнюю жывёлу, займаюцца земляробствам. Працягваецца гэта і ў ХХІ стагоддзі. Нядзіўна, чаму тут і зараз жыве абрад Юр’я.

Свята адзначаецца ў два этапы: 5 мая адбываецца «сустрэча Юр’я», 6-га — «провады Юр’я». Пачынаецца абрад увечары першага дня з шэсця жанчын, якія з песнямі ідуць да ўпрыгожанага крыжа ў адным канцы вёскі. Там жанчыны звяртаюцца да святога Юр’я, спяваюць юр’еўскія песні. Да крыжа падыходзяць і іншыя жыхары вёскі, якія потым усе разам ідуць да крыжа на другім канцы вёскі. Пасля ўдзельнікі шэсця абыходзяць з віншаваннямі двары ўсіх маладых пар у вёсцы, за што тыя адорваюць іх пачастункамі і тканымі паясамі — іх захоўваюць потым як абярэг. Напрыканцы свята ўсе збіраюцца ў адной хаце, спяваюць песні і частуюцца. На наступны дзень жанчыны — удзельніцы абраду зноў сустракаюцца каля крыжа ў пачатку вёскі, каб на гэты раз правесці Юр’я песняй «Праважаем Юр’я за сяло».

mila@sb.by
СМІ
Аўтар(ы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 26.02.2021 00:11:01

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.