::
2019.12.20 — Весенний обряд «Юрьевский хоровод» — в Списке нематериального культурного наследия ЮНЕСКО / СБ. Беларусь сегодня / Советская Белоруссия / Рабочий
Загаловак
Весенний обряд «Юрьевский хоровод» — в Списке нематериального культурного наследия ЮНЕСКО
Спасылка
Дата публікацыі
20.12.2019
Катэгорыя
навіны
Поўны тэкст

Хлеб усяму галава

Не адзін год вялася работа па ўключэнні веснавога абраду «Юраўскі карагод» з вёскі Пагост Жыткавіцкага раёна Гомельскай вобласці ў гэты спіс. І вось на XIV сесіі Міжурадавага камітэта па ахове нематэрыяльнай культурнай спадчыны ЮНЕСКА ў калумбійскай Багаце прынята станоўчае рашэнне. «Юраўскі карагод» стаў трэцім беларускім элементам у Спісе нематэрыяльнай культурнай спадчыны ЮНЕСКА. Першым у яго трапіў у 2009 годзе абрад «Калядныя цары» ў вёсцы Семежава Капыльскага раёна Мінскай вобласці. Летась да яго далучылася «Урачыстасць у гонар шанавання іконы Маці Божай Будслаўскай» у вёсцы Будслаў Мядзельскага раёна Мінскай вобласці.


Веснавы абрад «Юраўскі карагод» традыцыйна ладзіцца на свята заступніка сельскай гаспадаркі Юр’я (23 красавіка па старым стылі або 6 мая па новым). Мяркуецца, правядзенне абраду спрыяе ўрадлівасці зямлі і дабрабыту. Раней яго здзяйснялі ў многіх вёсках паблізу Турава. Аднак сёння ў жывой традыцыі ён бытуе толькі ў вёсцы Пагост. Як сцвярджаюць старажылы, абрад у Пагосце праводзілі нават у перыяд забароны. Пасля Кастрычніцкай рэвалюцыі 1917 года афіцыйныя ўлады не дазвалялі абрады як праявы рэлігійнай культуры. Але вяскоўцы, верныя традыцыям, працягвалі ўпотай здзяйсняць «Юраўскі карагод». Такая павага жыхароў Пагоста да сваёй спадчыны і дапамагла захаваць старажытны абрад.

  

Рыхтавацца да свята пачынаюць загадзя. Вяскоўцы прыбіраюць хаты і двары, пякуць і ўпрыгожваюць абрадавы хлеб «карагод». Гэта галоўны атрыбут свята. Што цікава, прадукты на яго збіраюцца ў складчыну — такая традыцыя. Раніцай наступнага дня ўсе жыхары адпраўляюцца ў поле. Наперадзе працэсіі маладыя дзяўчыны нясуць вышыты ручнік, мужчыны — ікону, хлеб, зорку, граблі з зялёным фартухом, які пры выхадзе з поля мяняецца на чырвоны. Большасць удзельнікаў працэсіі спыняецца на ўскраіне поля. А жанчыны, якія спяваюць рытуальныя песні, і мужчыны, якія нясуць хлеб і абраз, выходзяць у цэнтр поля. Вакол іх водзяць карагоды. Пасля абрадавы хлеб дзеліцца паміж прысутнымі.

mila@sb.by
СМІ
Аўтар(ы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 21.08.2021 19:53:53

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.