::
2019.07.19 — Копытки - еще одно традиционное блюдо из картофеля / СБ. Беларусь сегодня / Советская Белоруссия / Рабочий
Загаловак
Копытки - еще одно традиционное блюдо из картофеля
Спасылка
Дата публікацыі
19.07.2019
Катэгорыя
публіцыстыка
Поўны тэкст

Не дранікамі адзінымі

Можа, для кагосьці стане здзіўленнем, але і бульбашамі мы былі не заўсёды. Да XVIII стагоддзя беларусы ўжывалі ў ежу боб, гарох, сачавіцу, агуркі, моркву, капусту, іншую гародніну. Бульба стала адным з асноўных прадуктаў харчавання нашых продкаў толькі ў другой палове ХІХ стагоддзя. Затое колькі з яе ўсяго пачалі гатаваць: дранікі, клёцкі, калдуны, бабку і многае іншае. Адна з традыцыйных бульбяных страў — капыткі.

Існуюць рэгіянальныя асаблівасці прыгатавання, падачы і ўжывання гэтай стравы. Так, у Паазер’і яе гатуюць з адваранай астуджанай бульбы, якую здрабняюць з дапамогай відэльца, таўкачыка або мясарубкі. Дадаюць яйка, соль, крухмал. Раскатваюць цеста ў доўгія шнурочкі, наразаюць на невялікія кавалачкі і адварваюць. Падаюць з падліўкай са смятаны і зеляніны. 

 А вось на Заходнім Палессі іншы спосаб прыгатавання. Надзіраюць на тарцы сырую бульбу, дадаюць муку, соль, соду. Раскатваюць, наразаюць палоскамі і пякуць у печы або духоўцы. Пасля чаго апускаюць капыткі на некалькі хвілін у мясны булён і падаюць з абсмажанай цыбуляй.

Капыткі вядомы таксама ў польскай і літоўскай кухнях, дзе іх часта падаюць з грыбамі, смятанай, таматным соусам. У Польшчы капыткі з’яўляюцца папулярным гарнірам да розных мясных і іншых страў, яны нават прадаюцца ў магазінах у выглядзе замарожаных паўфабрыкатаў. Існуюць капыткі ў жывым побыце і ў суседняй Літве. Іх адпаведнік завецца швільпікaй. На жаль, у сучаснай Беларусі капыткі — лакальная страва, якая гатуецца толькі ў некаторых рэгіёнах, прычым у хатніх умовах. А між іншым, капыткі маглі б стаць такой жа папулярнай рэстараннай стравай, як і дранікі.

mila@sb.by
СМІ
Аўтар(ы)
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 24.08.2021 06:31:59

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.