::
2019.11.01 — Ноябрь - время молитвы об усопших / СБ. Беларусь сегодня / Советская Белоруссия / Рабочий
Загаловак
Ноябрь - время молитвы об усопших
Спасылка
Дата публікацыі
01.11.2019
Катэгорыя
публіцыстыка
Поўны тэкст

Дзяды, хадзіце да нас!

Сёння ў заходняй хрысціянскай традыцыі адзначаецца ўрачыстасць Усіх Святых. Вернікі аддаюць пашану ўсім святым — як афіцыйна абвешчаным, так і невядомым. Заўтра, у Дзень задушны, католікі будуць маліцца за ўсіх памерлых. Далучацца да іх малітвы і праваслаўныя. Дзімітраўская бацькоўская субота сёлета прыпадае таксама на 2 лістапада. Гэта адзін з галоўных дзён агульнага царкоўнага памінання ўсіх памерлых праваслаўных хрысціян, які быў устаноўлены вялікім князем Дзмітрыем Данскім у пачатку XIV стагоддзя. Аднак традыцыя памінання памерлых у першыя лістападаўскія дні куды больш старэйшая. Так званыя Восеньскія Дзяды адзначаліся на тэрыторыі краіны яшчэ ў язычніцкія часы.

ФОТА МАКСІМА ВЕЧАРА

Нашы продкі верылі, што ў гэты дзень душы памерлых — дзяды — прыходзяць да сваіх нашчадкаў. Лічылася, іх трэба абавязкова добра сустрэць і пачаставаць, каб задаволеныя дзяды спрыялі ў жыццёвых справах сям’і. На свята ўсе хатнія мыліся ў лазні, пакідалі пасля сябе крыху чыстай вады і венік, каб і душы памерлых маглі памыцца. Ішлі на могілкі, пакідалі ласункі, а дома рыхтавалі багаты памінальны стол, на якім звычайна былі бліны, клёцкі «з душамі», кісель, крупнік з грыбамі або рыбай, верашчака з каўбасой і іншыя стравы. Клікалі на вячэру дзядзоў, адчыняючы вокны і дзверы: «Святыя дзяды, завём вас, хадзіце да нас!..» У некаторых мясцінах на стале пакідалі рэшткі страў аж да раніцы — каб душы продкаў маглі пачаставацца ўдосталь. Часам пасля вячэры дзядоў весялілі. Былі песні, пляскі, маскарады.

У хрысціянскай жа традыцыі ў гэтыя дні не прынята весяліцца. Час прысвячаюць малітве ў храме і на могілках. Дарэчы, пачастункі продкам не дазваляюць прыносіць ні Царква, ні Касцёл. Лічыцца, што памерлым не патрэбна матэрыяльная ежа. Галоўнае — наша малітва і добрыя ўспаміны пра памерлых.

mila@sb.by
СМІ
Аўтар(ы)
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 24.08.2021 13:04:05

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.