::
2019.11.09 — В Полоцком районе исполняют песни уникальным способом «в перехлест» / СБ. Беларусь сегодня / Советская Белоруссия / Рабочий
Загаловак
В Полоцком районе исполняют песни уникальным способом «в перехлест»
Спасылка
Дата публікацыі
09.11.2019
Катэгорыя
навіны
Поўны тэкст

Прыцягальны спеў

Дзяржаўны спіс гісторыка-культурных каштоўнасцей папоўніўся новым аб’ектам. Статус нематэрыяльнай каштоўнасці нада­дзены «Спеўнай традыцыі выканання купальскіх і жніўных песень «у пера­хлёст» у вёсцы Багатырская Полацкага раёна Віцебскай вобласці».

SPEVYUPERAHLYOST.BLOGSPOT.COM

Носьбіты гэтай традыцыі — удзельнікі народнага фальклорнага калектыву «Галасы спадчыны», які існуе пры Багатырскім сельскім Доме культуры з 1971 года. На працягу многіх гадоў яны разам з работнікамі культуры раёна збіралі матэрыял, шукалі, як і калі выконваліся песні, размаўляючы са старэйшым пакаленнем мясцовых жыхароў вёскі Багатырская, а таксама суседніх населеных пунктаў. Спяваюць на Полаччыне сапраўды па-асабліваму. Калектыў дзеліцца на дзве часткі. Першая група запявае, цягне доўгую ноту, а на ёй уступае другая група выканаўцаў. Атрымліваецца той самы «перахлёст».

Такая манера спеваў на Полаччыне існуе здаўна, паведамляе прысвечаны традыцыі сайт spevyuperahlyost.blogspot.com. «У перахлёст» выконваюцца асобныя жніўныя і купальскія песні. Яны разгортваюцца павольна, спакойна, паступова дасягаючы сапраўднай свабоды i шырынi. У сучасны перыяд традыцыя практыкуецца ў натуральных умовах падчас правядзення раённых свят «Засеўкі», «Зажынкі», «Дажынкі», «Купалле на Полаччыне». Абрадавыя дзеі гэтых свят абавязкова пачынаюцца спевамі «ў перахлёст», прымеркаванымі да пэўных рытуальных дзей. Дзякуючы «Галасам спадчыны» манера спеваў «у перахлёст» атрымала другое жыццё і сярод мола­дзевых фальклорных калектываў Полацкага раёна. На практычныя заняткі па вывучэнні песень на Полаччыну штогод прыязджаюць выкладчыкі і студэнты ўстаноў адукацыі і культуры, музыканты, спевакі.

mila@sb.by
СМІ
Аўтар(ы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 07.09.2021 11:36:56

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.