::
2020.02.08 — Vuraj — “Этнатрадыцыя” — “Традыцыйны строй” / Культура — штотыднёвая грамадска-асветнiцкая газета
Загаловак
Vuraj — “Этнатрадыцыя” — “Традыцыйны строй”
Спасылка
Дата публікацыі
08.02.2020
Катэгорыя
публіцыстыка
Поўны тэкст
Каардынатар праекта “Традыцыйны строй” Віталь Чымбур паведаміў “К”, што іміджавая доўгатэрміновая акцыя накіравана на відэафіксацыю аўтэнтычных рэгіянальных строяў і інтэграцыю іх у сучаснае грамадства. Праект рэалізуецца сумесна з Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі.

 

/i/content/pi/cult/784/16909/11_5.jpgА пачалося ўсё з 2010 года, калі Сяржук Доўгушаў утварыў этна-гурт Vuraj і пачаў эксперыментаваць з палескім фальклорам. Эксперыменты прывялі да аўтарскага перастварэння аўтэнтыкі. Далей — болей. На базе этна-гурта была створана грамадская суполка “Этнатрадыцыя”, якую ўзначаліў таксама спадар Доўгушаў. А “Этнатрадыцыя” ў сваю чаргу спарадзіла праект “Традыцыйны строй”. Каардынатарам яго і стаў Віталь Чымбур — сябра “Этнатрадыцыі” і энергетык па прафесіі. Працэс цалкам лагічны. Аўтэнтыка ў фольк-рокавых спевах не магла не прывесці да аўтэнтыкі ў сцэнічных строях, і не толькі ў сцэнічных.

Сталых спонсараў у арганізацыі і праекта няма. Спадзяюся — пакуль. Асноўны прынцып дзейнасці, калі можна так сказаць, — валанцёрскі. Вось пра што распавядае Віталь Чымбур: “Вынік праекта “Традыцыйны строй” — першая онлайн-энцыклапедыя аўтэнтычных традыцыйных строяў Беларусі. Яна змесціць каля 154 відэакліпаў ды шэраг майстар-класаў. Да кожнага відэакліпа будзе далучана адмысловая інфармацыя з дэталёвым тлумачэннем рэгіянальных адметнасцяў. Энцыклапедыя прызначана і для недасведчанага карыстальніка. Эстэтычнае задавальненне дапаможа разуменню асаблівасцяў нашай традыцыі. А пераклад на англійскую мову прывабіць і міжнародную аўдыторыю”. Віталь Чымбур падкрэслівае, што каманда праекта заўжды гатова супрацоўнічаць з усімі ахвотнымі. А пакуль вядуцца навуковыя даследаванні, назапашваецца фальклорны матэрыял.

 

Фота прадастаўлена арганізатарамі праекта

Першыя вынікі праекта.

СМІ
Аўтар(ы)
Звязаныя персаналіі
Звязаныя калектывы (гурты, установы)
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 26.02.2020 16:36:39

Каментароў — 0

Запрашаем да абмеркавання! Звяртаем увагу, што каментары са спасылкамі і ад неаўтарызаваных аўтараў прэмадэруюцца.