::
2015 - PAWA - Žyta [аўдыё-CD]
Назва
PAWA - Žyta
Віды носьбітаў
аўдыё-CD
Змест
інтэрпрэтацыі фальклёра спевы музыка
Вокладка
Статус
можна паслухаць
Дзе паслухаць
Апісанне

Адбыўся рэліз трэцяга альбома этна-электроннага гурта Pawa, які атрымаў назву "Жыта". Як і ў папярэдніх альбомах, удзельнікі гурта эксперыментуюць з традыцыйнай музыкай у кантэксце сучаснага гучання. На новай кружэлцы нас чакаюць восем песень з розных рэгіёнаў Беларусі – восем гісторый, восем вобразаў.

"Галоўным як для мяне, так і для ўсіх нас было захаваць асноўны змест традыцыйных песень, іх эмоцыі, – кажа дудар гурта Юрась Панкевіч. – Калі гэта журба, дык і гучаць песня мусіць журботна, калі песня жартоўная, то няма сэнсу рабіць з яе нешта штучна глыбокае. Нашы продкі сапраўды ўмелі добра бавіць час і жартаваць. Чым жа мы горшыя за іх?"

""Жыта" – гэта перадусім спроба знайсці сваё адметнае гучанне па-за трэндамі ды стылёвымі ўмоўнасцямі, – дадае Сяржук Шаўчэнка (гітара, спеў). – Мы засяродзілі сваю ўвагу не на тым, што адбываецца навокал нас, а хутчэй на тым, што мы маем самі як калектыў".

Над трэцім альбомам Pawa працавалі год. "За гэты час мы шмат падарожнічалі, і, вядома, гэта было добрай эмацыйнай і творчай ежай для нас, – распавядае Мікіта Седзянкоў (клавішы, спеў). – Сёння мы знаходзімся ў сваёй найлепшай канцэртнай кандыцыі і, маючы за плячыма музычны матэрыял "Жыта" , а таксама папярэднія альбомы, у стане прэзентаваць разнастайную жывую праграму як для аматараў беларускай традыцыі, так і для шырокага кола слухачоў".

Альбом даступны для праслухоўвання ў сацыяльных сетках (vk.com, soundcloud.com). Фізічныя носьбіты былі выдадзеныя пры дапамозе лэйбла Vigma. Таксама альбом Žyta неўзабаве можна будзе набыць у лічбавым фармаце на amazon.com ды ў іншых інтэрнэт-крамах.

Колькасць трэкаў фальклору
8.0000
Трэкліст
  1. Dudnik
  2. Zyta
  3. Zaihraj Za Mnie, Dudarocku
  4. Zastukacieli, Zahrukacieli
  5. Jurja
  6. Iskarka-Pryhauka
  7. Kalychanka
  8. Chodzic Pava Pa Vulicy
Дадатковыя спасылкі
Калектывы
Звязаныя персаналіі (укладальнікі, арганізатары, вядоўцы, збіральнікі і інш)
Год публікацыі
Карта
Звязаныя лакацыі
Тэмы
Гэта кэшаваныя старонка. Апошняя сінхранізацыя з базай - 04.02.2024 03:30:02

Маеце пытанне ці заўвагу? Напішыце ў каментары. Звяртаем увагу, што каментары са спасылкамі і ад неаўтарызаваных аўтараў прэмадэруюцца.

Відэакурсы па этнаграфіі

Самы час вучыцца анлайн! Нашы відэакурсы размешчаны на адукацыйнай платформе Stepik.org і акрамя відэа утрымліваюць праверачныя тэсты для самакантролю.

Запісацца

Выкладчык: Уладзімір Лобач

Аб’ём: 70 урокаў, 14 гадзін відэа, 127 тэставых пытанняў

Курс прапануе паглыбленае азнаямленне з этнічнай гісторыяй і этнакультурнай спецыфікай Беларусі. Прадстаўлены лекцыі па раздзелах і тэмах вучэбнай праграмы "Этнаграфія Беларусі", якая выкладаецца аўтарам у Полацкім дзяржаўным універсітэце.

Запісацца

Выкладчык: Зміцер Скварчэўскі

Аб’ём: 13 урокаў, 2 гадзіны відэа, 100 тэставых пытанняў

Сярод разнастайных аспектаў беларускай міфалогіі, прадметам курсу абраны персанажны код: боствы, духі, дэманічныя істоты, героі і т.п.